Monday, July 06, 2009

"குருமதி நாளினில் பணிமுகம் குருமுகம்."

"குருமதி நாளினில் பணிமுகம் குருமுகம்."


உருநின்று உள்ளாடும் ஓர்நினைவில் மகிழ்ந்திருக்க

திருமுகத்தின் வனப்பினையே மனமெண்ணிக் களித்திருக்க

பெருநதியாய்ப் பாய்ந்துவரும் பேரன்பில் கலந்திருக்க

குருவருளை நாடியே திருமுருகன் அடிபணிந்தேன்.

***********



ஒருமுகம் திருமுகம் எதிர்வரும் குருமுகம்

அருள்முகம் தருமுகம் நிறைமுகம் குருமுகம்

மருள்தனை நீக்கிடும் மாதவன் குருமுகம்

வருமுகம் நகைமுகம் அழகுறு குருமுகம்



என்முகம் பார்த்தெனை அருள்செயும் குருமுகம்

இன்முகம் காட்டியே இதம்தரும் குருமுகம்

விண்முகம் காட்டிடும் வகைசெயும் குருமுகம்

உள்முகம் நோக்கியே தினம்வரும் குருமுகம்



பெருமுகம் அருள்தனைத் தருமுகம் குருமுகம்

அறுமுகம் வினைகளை அறுமுகம் குருமுகம்

உருமுகம் உள்ளினுள் காட்டிடும் குருமுகம்

மறுமுகம் வேண்டா மலர்முகம் குருமுகம்



எழில்முகம் நினைவினில் திகழ்ந்திடும் குருமுகம்

அழகிது வெனவே நகைமுகம் குருமுகம்

பழகிட எளிதாய் ஒளிர்ந்திடும் குருமுகம்

மெழுகென வென்னை யுருக்கிடும் குருமுகம்



பிழைமுகம் காணப் பொறுக்கா குருமுகம்

மழைமுகி லெனவே பொழிந்திடும் குருமுகம்

குழைந்திடக் குழைந்திடும் குழந்தைக் குருமுகம்

வழியெனக் கெனவே வந்தவோர் குருமுகம்



நனிமுகம் கனிமுகம் பனிமுகம் குருமுகம்

இனியெனைக் காத்திட அருளிடும் குருமுகம்

பனிமல ரிரவில் பொழிமுகம் குருமுகம்

பூரண நிலவாய் மலர்ந்திடும் குருமுகம்



ஓமெனும் மறையின் பொருள்முகம் குருமுகம்

'ஓம்'எனச்சொல்லி வரந்தரும் குருமுகம்

போமெனத் துயரைப் போக்கிடும் குருமுகம்

'ஊம்'எனும் குறிப்பால் கதிதரும் குருமுகம்



அடிமலர் தொழுதிட அருள்செயும் குருமுகம்

மடியினில் வைத்து மகிழ்ந்திடும் குருமுகம்

வடிவழ கெல்லாம் காட்டிடும் குருமுகம்

வடிவேல் தாங்கிடும் முருகனின் குருமுகம்



அருள்முகம் நினைமுகம் வழிசெயும் குருமுகம்

திருமுகம் கண்டிட வினையழி குருமுகம்

இருள்முகம் நீக்கிடும் குமரனின் குருமுகம்

குருமதி நாளினில் பணிமுகம் குருமுகம்.



குருவடி சரணம்! குருவே சரணம்!

**********************************************

5 பின்னூட்டங்கள்:

Anonymous,  Tuesday, July 07, 2009 5:46:00 AM  

விதியின் மதியினை
நிறைவுற ஊட்டிடும்
குருவருள் நிறைவுற கிடைத்திட
குருவடி பணிகிறேன்.


குருவே சரணம்!

VSK Tuesday, July 07, 2009 8:13:00 AM  

மிக்க நன்றி ஐயா.
நன்றாக குரு வாழ்க!

Ramachandran Saturday, October 10, 2009 8:08:00 PM  


ருணை முகங்கள் ஒர் ஆறு//

....காக்கும் கரங்களொ ஈறாரு

///முக வடிவோ நூராரு
//முன் நின்று அருளுவது வேராரு ...

.சித்ரம்



















































































































































































































































































































































































/


































..





..

VSK Sunday, October 11, 2009 11:03:00 PM  

//கருணை முகங்கள் ஒர் ஆறு
....காக்கும் கரங்களொ ஈறாரு
முக வடிவோ நூறாறு
முன் நின்று அருளுவது வேறாரு ...

.சித்ரம்//

நன்றி ஐயா!

Ramachandran Tuesday, January 12, 2010 10:09:00 PM  

இனிய தமிழ் பொங்கல் வாழ்த்துக்கள்-----பொங்கலுடன் தமிழ் தா ய் வாழ்த்து பாடலுடன் கொண்டாடி மகிழுங்கள் .....சித்ரம் ...//.

இந்த வலைப்பதிவைப் பற்றி...

எனக்கு தெரிந்த ஆன்மீகம், இலக்கியம், கதை, கவிதை, அரசியல் மற்றும் நிகழ்வுகள்.

  © Blogger template Blogger Theme by Ourblogtemplates.com 2008

Back to TOP